ILOILO – Lain ang pagsulundan sa health protocol sa Iloilo Province kun ipaanggid sa Iloilo City para sa mga nagapauli nga locally stranded individuals, returning overseas Filipinos, kag authorized persons outside residence .
Ini man ang may kaangtanan sa patigayunon nga mobile swab testing booth sang Iloilo City Government nga ipahamtang sa Iloilo International Airport.
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga ang mga mapauli sa Probinsya sang Iloilo ang gilayon nga ginasugat sang Local Government Unit agud i-diretso sa quarantine facility.
Matapos ang lima ka-adlaw nga incubation suno kay Mamon, ipaidalum sa COVID-19 testing ang mga pumuluyo.
Pahayag sang natungdan, apisar nga may pagsulundan ang Iloilo City sa gilayon nga pagpa-swab sa mga mapauli sa syudad, wala man ini ginpamalabagan ni Iloilo Governor Arthur Defensor Jr.
