Nakarekord ang Department of Health (DOH) Region 6 sang duha ka kaso sang mga nabiktima sang palupok.
Sa interview sang Bombo Radyo kay Dr. Bea Natalaray, pinuno sang Non-Communicable Disease Sector sang DOH 6, iya ginpahayag nga ang monitoring ang nagsugod sang December 21 and as of December 27, may duha nga nalista.
Ang una nga narekord suno kay Dr. Natalaray ang halin sa Bacolod City, 12 anyos nga dalagita nga may passive case sa diin naulamid lamang sa pagpalupok sang kasilingan kag nasamaran sa tuhod.
Ang ikaduha naman amo ang halin sa Batad, Iloilo, 13 anyos nga solterito nga may active case sa diin hungod nga nagpalupok pinaagi sa improvised explosive device nga boga kag nasamaran ang tuo nga mata.
Nabulong naman suno kay Dr. Natalaray ang duha nga nasambit nga biktima kag nakapauli na sa ila mga balay.
Samtang, nagpanugyan man ang DOH Region 6 nga likawan ang paggamit sang palupok kag mag-angkon sang alternatibo nga merry making noise tools kaangay sang musical instruments kag mga kaldero.
