Magapatigayon ang Sangguniang Panglungsod sang emergency session agud maistoryahan ang gratuity pay para sa mga contract workers.
Sa interview sang Bombo Radyo kay Iloilo City Councilor Ely Estante, iya ginpahahayag nga kun maaprubahan na, makabaton sang P3, 000 ang mga contract workers.
Suno kay Estante, pagakuhaon ang budget sa savings sang Iloilo City Goverment.
Magluwas diri, ginpahayag ni Estante nga lakip man sa kadtuan sang pondo sang syudad, amo ang rehabilitation sang public markets, mga ospital kag parking building.
Matandaan nga sa Public Address ni Presidente Rodrigo Duterte sang damlag lang, iya ginpahayag nga ang mga contract workers nga nakaobra apat ka bulan ang makabaton sa gratuity pay nga indi magsobra sa P3,000.
