Ikaw bala ang masami nga naga selfie sa imo nga smartphone? Wala sang segundo, minuto ukon inoras ka nga malapawan bangud sa kada hulag mo, click ka lang nga click agud nga magkuha sang picture sang imo nga kaugalingon.
Nakahibalo ka bala nga mahimo mahulog sa addiction ang masami mo nga pag-selfie?
Suno kay Dr. Robyn Silverman, teen development specialist, ang mga pre-adolescents kag teens ang padayon nga nagapangita sang pamaagi agud nga kilalahon ang kaugalingon kag makilala man sang iban.
Para naman sa mga tweens kag teens, ang mas dako nga kabahin sang ila social interaction sa isa ka adlaw ang pinaagi sa paggamit sang smartphones ukon social networking sites.
Apang ang pagkuha kag pagpost sang selfies ang characteristics sang Body Dysmorphic Disorder — isa ka chronic mental illness.
Suno sa doktor, ang pagkuha sang selfie nga paliwat-liwat kag makapila ka beses ang mahimo nga “harmless” lang lantawon apang kun ini ang ginahimo sa madugay na nga tion, oras-oras kag adlaw-adlaw, diri na kag nagatuga ang tuman nga self conscious, self-indulgent kag nagakaangkon sang “false sense of confidence” kag mas malala pa, nagakaangkon ikaw sang “narcissistic delusions”.
Kun kaisa ang pag-selfie pa ang kabangdanan sa pagka-aksidente sang isa ka tawo.
