Makasarang ka bala nga magtinir sang madugay nga oras sa isa ka lugar nga tuman ka-tugnaw?
Sa matugnaw nga panahon sa Hubei Province sa China, ginlagas sang mga kapulisan ang isa ka lalaki nga kawatan sa syudad sang Ezhou.
Plano kuntani magpalagyo sang kawatan sa diin nag-agi ini sa bintana sang isa ka building apang bangud nga wala ini sang bayo nga nasuksok kag sa tuman nga katugnaw nga iya nabatyagan, wala na niya matinguhaan pa nga malagyo kag halos indi na ini makahulag pa samtang nagakabit sa salsalon.
Nagtawag ang mga pulis sang bombero agud nga ma-rescue ang kawatan.
Samtang nagakabit ini sa salsalon, nangin emosyonal ang kawatan kag nagpahayag nga masungka na lang ini sa kapulisan bangud indi na niya maagwantahan ang katugnaw ilabi na nga wala ini sang bayo nga suksok.
Gilayon nga nag-abot ang mga bombero kag ginhaboyan ang lalaki sang higot agud nga ini siya ang mabutong pasaka balik kag didto nga nasalbar ang kawatan.
