ILOILO CITY- Makabaton sang financial assistance gikan sa Iloilo City Government ang mga biktima sa nagluntad nga sunog sa San Pedro, Molo, Iloilo City.
Sa interview sang Bombo Radyo kay Teresa Gelogo, head sang City Social Welfare and Development Office, iya ginpahayag nga P10,000 ang ihatag para sa totally burned nga mga balay samtang P7,000 naman para sa partially burned nga mga puluy-an.
Nahibaluan nga sa 10 ka mga balay, pito diri ang totally burned kag tatlo ang partially burned, santo man sa data sang nasambit nga talatapan.
Pito ka pamilya naman ang nagatinir sa evacuation center samtang ang tatlo ka mga pamilya ang ginpili nalang magkadto sa iban nila nga himata.
Nakahatag naman ang city government sang mga food packs kag iban nga kinahanglanon nga makaigo na sa 15 ka adlaw para sa mga pamilya nga nasunugan.
