ILOILO CITY – Nagakinahanglan gid sang bulig ang mga pumuluyo nga nabiktima sang sunog sa Brgy. San Pedro, Molo, Iloilo City.
Sa interview sang Bombo Radyo kay Punong Barangay Karl John Lapascua, iya ginpahayag nga lunsay nga nag-amot amot ang mga opisyal sang nasambit nga barangay agud makahatag sang pagkaon sa mga residente nga nasunugan kag sa karon yara na sa evacuation center.
Suno kay Lapascua, ginalantaw nga short circuit ang gintunaan sang sunog.
Nagpaandam man si Lapuasca nga mangin leksyon na ini sa pumuluyo kag mag-angkon gid sang kaugalingon nga kuntador.
Pahayag sang natungdan nga nagapakig-angot na sila sa City Social Welfare and Development Office (CSWDO) sa dugang nga bulig sa mga apektado sang sunog.
