ILOILO CITY – Ginpangdala sa Molo I Elementary School nga temporaryo nga ginhimo bilang evacuation center ang mga pumuluyo nga apektado sang sunog nga nagluntad sa Brgy. San Pedro, Molo, Iloilo City.
Sa exclusive interview sang Bombo Radyo kay Barangay Kagawad Rhomar Martirez, iya ginpahayag nga ginkasubo niya ang natabo sa iya pumuluyo ilabi na subong nga bag-ong tuig.
Suno kay Martirez, madamo sa mga apektado sang sunog ang lunsay wala may nasalbar nga mga gamit ilabi na ang mga panapton.
Ginpahayag ni Martirez nga magabulig naman ang Iloilo City Government sa mga biktima sang sunog.
