Dako nga huol sa mga regular nga pasahero ang gintuga sang pag-untat sang byahe sang wooden-hulled motorbanca.
Ini matapos nag-expire na ang franchise sang nasambit nga pump boats sa diin modernized boats na lang ang ginapahanugutan sang Maritime Industry Authority Region 6 nga magbyahe sa Iloilo Strait.
Sa interview sang Bombo Radyo alyas Boy, residente sang Buenavista, Guimaras, iya ginpahayag nga kulang pa ang iya kinitaan bangud sa pagsaka sang plete.
Mabudlay suno kay alyas Boy ang sitwasyon sang iya pagbyahe sa adlaw-adlaw bangud sa maggutok kag pagdugok sang mga tawo.
Dugang pa sang natungdan, nagasala man ang mga pumuluyo sa pagkuha sang ticket bangud sa indi organisado nga patakaran sang otoridad.
