ILOILO CITY – Magalunsyar sang madamo nga proyekto ang Iloilo City Government subong nga 2021.
Sa interview sang Bombo Radyo kay Iloilo City Mayor Jerry Treñas, iya ginpahayag nga may yara na sang pondo ang syudad sang Iloilo para sa gina-finalize nga mga proyekto.
Lakip sa mga nasambit nga proyekto suno sa alkalde amo ang pagpatindog sang dugang nga ospital, renovations sang mga imprastraktura, mga merkado kag slaughterhouse.
Pahayag ni Treñas, magapatindog man ang syudad sang dugang nga parking lot nga may duwa ka panalgan kag elevators sa mga buildings para sa may edad nga pumuluyo agud indi na mabudlayan magsaka sa mga hagdan.
Dugang pa sang natungdan, patigayunon man ang Rapid Bus Transit agud mas mapasangkad ang transport system sang syudad.
