Nagdangat na sa tatlo ang kaso sang stray bullet incident sa Western Visayas.
Ang pinakaulihi nga kaso ang nalista sa probinsya sang Guimaras.
Sa interview sang Bombo Radyo kay Rosalie Galvan, sang Brgy. Sta. Teresa, Jordan, Guimaras, iya ginapahayag nga may nabatian sila nga nagtupa sa atop sang ila balay kag nakibot na lamang sila nga bala sang pusil ang ila ginahigdaan nga banig.
Suno kay Galvan, matulog na kuntani sila sang naglusot ang nagtalang nga bala.
Pahayag sang natundan, dako ang pasalamat niya nga wala sang may naigo sa ila nga pamilya.
