ILOILO – Nagpanugyan ang Department of Social Welfare and Development (DSWD) sa mga driver nga magkadto sa pinakamalapit nga munisipyo sa opisina sang Pantawid Pamilyang Pilipino Program (4Ps) sang ila lugar agud magkuha sang beneficiary registration number (BRN).
Sa interview sang Bombo Radyo kay May Castillo, Regional Information Officer sang DSWD Region 6, iya ginpahayag nga indi kinahanglan nga magdugok ang mga drivers sa Land Transportation Franchising and Regulatory Board (LTFRB) agud nga magkuha sang BRN bangud mahimo ini nga makuha sa munisipyo sang ila lugar kag maclaim ang Special Amelioration Project (SAP) sa remittance center.
Ginpaathag man ni Castillo nga ang mga taga Iloilo City, Iloilo Province kag Bacolod City lamang ang makabaton sang duha ka hugnat sang SAP nga P12,000.
Gin-athag man ni Castillo nga mahimo man nga makuha sang tingob ang ayuda.
Sa subong suno sa natungdan, padayon sa gihapon ang pagpanagtag sang SAP sa mga drivers.
