ILOILO CITY – Magabakal sang dugang nga Timbangan ng Bayan ang Iloilo City Government.
Ini matapos nga ginpangguba sang Local Economic Enterprise Office (LEEO) ang masobra 50 ka mga kilohan nga may daya.
Sa interview sang Bombo Radyo kay Maricel Mabaquiao pinuno sang LEEO, iya ginpahayag nga nagpain man sang pondo ang Iloilo City Government agud nga makabakal sang nasambit nga kilohan nga ibutang sa kada merkado.
Suno kay Mabaquiao, may yara sang tag duha ka kilohan nga ibutang sa kada big market kag tag isa naman sa kada small market.
Matandaan nga nagpaandam ang Local Economic Enterprise Office sa mga vendors nga nagapangdaya sang kilohan nga magluwas nga kumpiskaron ang ila kilohan, mangatubang man ang mga ini sang nagakaigo nga sanctions kaangay sang suspension sang ila nga pwesto kag permit.
