Mahimo nga buy-an ang mga suspek kun kulang ang mga ebidensya.
Ini ang kaangot sa pagmando sang Makati City Prosecutor’s Office sa paghilway sa tatlo ka mga suspek sa kamatayon sang flight attendant nga si Christine Dacera.
Matandaan nga nagpaguwa sang resolution si Prosecutor Joan Bolina-Santillan sa diin ginpahayag niya nga kulang ang ginpresentar nga ebidensya sang Philippine National Police nga makapamatuod nga napatay si Dacera bangud sa rape.
Sa interview sang Bombo Radyo kay Atty. Nelson Borja, Criminal Law Expert, iya ginpahayag nga sa inquest proceeding, mahimo nga buy-an ang mga suspek kun wala sang nagakaigo nga ebidensya batok sa ila ginakaulamiran nga krimen.
Suno kay Borja, pagkatapos sang in quest proceeding, magapatigayon na sang preliminary investigation.
Sa preliminary investigation suno sa abogado, ginaproseso ini sa sulod sang 90 ka adlaw.
Mas mapabaskog suno kay Borja ang kaso kun may yara sang mga testigo sa kaso.
Pahayag ni Borja, pamatian man sang korte ang pamatuod sang medico-legal nga amo ang nagpatigayon sang forensic examination.
Nahibaluan nga santo sa nagwa nga resulta sang medico-legal report, RUPTURED AORTIC ANEURYSM ang ginkamatay sang flight attendant.
Una na nga nagpaandam si PNP chief, Gen. Debold Sinas sa mga suspek nga magsungka bangud sa tion nga magpadayon ang mga ini sa pagpanago, mahimo ang mga ini nga gamitan sang pwersa.
Una na nga nadakpan apang nahilway ang tatlo ka mga suspek nga ginalakipan nanday:
- John Pascual Dela Serna III, 27
- John Paul Reyes Halili, 25
- Rommel Daluro Galido, 29
Samtang at large naman sanday:
- Gregorio Angelo de Guzman
- Louie de Lima
- Clark Jezreel Rapinan
- Rey Englis
- Mark Anthony Rosales
- Jammyr Cunanan
- Valentine Rosales
- certain Ed
- certian Paul
