Nagadali-dali sa pagpauli ang pila ka mga residente sang Guimaras bangud sa malawig nga pila sa mga pantalan.
Sa interview sang Bombo Radyo kay Ninfa Zaldivar, residente sang Buenavista kag isa ka fish vendor, iya ginpahayag nga bangud sa paghingagaw agud nga makapauli, nagakabalaka ini nga maglub-ok na ang mga isda nga iya ginbakal sa fishing port pag-abot sa ila lugar.
Suno kay Zaldivar, kun ano nalang ang maabtan niya nga isda sa fishing port ang ginabakal niya bangud kinahanglan nga magpila pa sa Buenavista wharf agud nga makapauli.
Mabudlay suno sa natungdan ang huol nga tuga sang kakulang sang sakayang pandagat, apang wala siya sang may mahimo.
Samtang sa nterview naman sang Bombo Radyo kay Marlon Simpas, isa man sa pasahero kag residente sang Pandaraonan, Nueva Valencia, Guimaras, iya ginpahayag nga wala na sang physical distancing ang mga pasahero sa malaba nga pila sa Jordan Wharf.
Suno kay Simpas, halos indi maagwantahan ang tuman ka laba nga pila.
Dugang sang natungdan, masobra apat ka oras siya nga nagpila agud nga makasakay padulong sa Iloilo City.
