All set na ang Iloilo Dinagyang Digital 2021 sa diin umpisahan ini sa Virtual Opening Salvo nga patigayunon sa Enero 15.
Sa interview sang Bombo Radyo kay Ms. Joyce Clavecillas, spokesperson sang Iloilo Festivals Foundation Incorporated, iya ginpahayag nga kun may yara sang pagbag-o sa quarantine status sang syudad sang Iloilo, may yara man sang posibilidad nga ang mga live events ang pagabag-uhon.
Suno kay Clavecillas, may yara sang pito ka tribu nga magapasundayag sa diin ang tagsa ka tribu ang may yara sang 30 ka mga warriors sa diin tanan sila ang ginpaidalom na sa swab testing para sa COVID-19.
Pahayag niya, sa bahin sang mga live events ginasiguro sang Iloilo Festivals Foundation Incorporated nga ginasunod ang mga minimum health protocols.
Pagkatapos sang Virtual Opening Salvo, yari ang mga masunod nga aktibidad nga masaksihan online;
Dagyang sa Calle Real Time
Enero 23, 2021
Virtual Religious Sadsad 2021
Enero 23, 2021 – 6:00 sang gab-i
Virtial Dinagyang Mass 2021 kag One Dinagyang Digital Presentation
Enero 24, 2021 – Dominggo sang aga
Virtual Awarding Ceremony
Enero 24, 2021 – Dominggo sang hapon
