Tuman ka importante ang resulta sang autopsy examination agud masolbar ang isa ka kaso.
Ini ang may kaangtanan sa kontrobersyal ng kamatayon sang flight attendant nga si Christine Angelica Dacera nga nasapwan patay sa City Garden Hotel sa Makati City.
Sa interview sang Bombo Radyo kay Atty. Charl Stuyver Moleño, iya ginpahayag nga ang autopsy examination ang ginapatigayon sa lawas sang tawo humalin sa ulo tubtob sa tiil.
Suno kay Atty. Moleño, pinaagi sa autopsy examination mahibaluan kun may foul play sa isa ka biktima.
Indi dapat suno sa abogado, paghaom-haomon nga bangud may external nga pilas ang isa ka tawo, posible nga ini na ang gintunaan sang iya kamatayon.
“Just because may ara external lacerations, ang ga conduct sang autopsy hindi dapat dayun mag assume nga amo na ang cause of death,” pahayag ni Atty. Moleño.
Mahimo man suno sa natungdan nga magpatigayon sang private kag public nga autopsy examination sa diin masami nga may gamay nga kinalain sa resulta apang pat-od nga isa lang ang ila conclusion ukon cause of death sang biktima.
