Nagapanawagan si Department of Finance Secretary Carlos Dominguez III sa mga mamalidha nga ipasar na ang Corporate Recovery and Tax Incentives for Enterprises (CREATE) bill matapos nga napaslawan ang Kongreso nga mapasar ini sang tinalikdan nga tuig.
Suno kay Dominguez, nagahulat ang mga foreign companies nga maka-invest kag maka-expand sang ila mga negosyo sa pungsod bangud sa pending nga hagna sa Kongreso.
Kadungan sang CREATE bill, naghingyo man si Dominguez sa Kongreso nga maghimo sang iban pa nga mga legislative measures nga makapabaskog sang ekonomiya sang pungsod amo man ang paghatag sang stimulus nga kinahanglanon sang isa ka negosyo agud nga malampuwasan ang economic recession.
Pinaagi sa CREATE bill, mas mapadayon pa ang pag-operate sang negosyo, mapabilin ang mga empleyado kag mas makahimo sang dugang nga mga trabaho.
