Ginpasalig sang bag-o nga pamunuan sang Philippine National Police (PNP) sa Western Visayas nga mas paayuhon pa ang ila serbisyo sa mga pumuluyo sa rehiyon subong nga 2021.
Sa exclusive interview sang Bombo Radyo kay Police Regional Office (PRO) 6 Director PBGen. Rolando F. Miranda, iya ginpahayag nga kun indi niya matupungan, mas lapawan pa niya ang nahimo nga accomplishement ni PBGen. Rene Pamuspusan.
Suno kay Miranda, ginadayaw niya ang mga accomplishment ni Pamuspusan sang nagligad nga tuig sang siya pa ang nagapungko nga pinuno sa PRO 6.
Ginpahayag sang opisyal nga ang mga natun-an sa tuig 2020 ang himuon nila nga giya sa paghatag sang maayo nga serbisyo publiko subong nga 2021.
Nagpaandam man ang heneral nga iya sipaon ang mga pulis nga wala nagahimo sang insakto nga trabaho.
