ILOILO CITY – Ginpasalig sang barangay officials sang Bolilao Mandurriao, Iloilo City nga nakahanda sila sa tion nga may magluntad nga sunog sa ila lugar.
Sa exclusive interview sang Bombo Radyo kay Punong Barangay Joy Salpin, iya ginpahayag nga may yara sila sang fire hydrant ukon ginakuhaan sang tubig kun may sunog.
Suno kay Salpin, tatlo ka mga lugar ang ila natumod nga fire prone.
Ini amo ang Dike 1, Dike 2, kag Malipayon.
Nahibaluan suno sa Punong Barangay nga madamo sang mga boarding house sa ila lugar sa diin ang iban sa mga ini ang human sa light materials.
Matandaan nga gintumod sang Burueau of Fire Protection nga isa ang Barangay Bolilao, Mandurriao, Iloilo City sa lugar nga prone sa sunog.
