Padayon pa nga nagasaka ang kaso sang COVID-19 apisar nga available na ang bakuna sa Los Angeles, California, USA.
Sa interview sang Bombo Radyo kay Dr. John Tacapan, Bombo International Correspondent direkta sa Los Angeles, California, iya ginpahayag nga daw kaangay nga pagpanunlog sa mga tawo ang padayon nga pagsaka sang kaso sang COVID-19 apisar nga padayon man ang pagpabakuna batok diri.
Magluwas diri, nagmando naman ang gobyerno suno kay Tacapan nga indi na pagpahanugutan ang paggwa sa mga panimalay umpisa sa masunod nga semana.
Suno kay Tacapan, lakip man sa mando sang gobyerno nga mag work from home kag magtuon na lamang sa sulod sang balay.
Dugang pa sang natungdan, makaalarma ini apang kinahanglan nga magsunod sa gihapon ang mga tawo sa mga pagsulundan agud nga indi matapikan sang COVID-19.
