Nagapabilin nga matawhay ang sitwasyon sa California, USA sa pihak sang paandam sang Federal Bureau of Investigation (FBI) may kaangtanan sa posible patigayunon nga armed protest sang mga die-hard supporters ni outgoing President Donald Trump pila ka adlaw antes ang inagurasyon ni US President-elect Joe Biden.
Sa interview sang Bombo Radyo kay Dr. John Tacapan, Bombo International Correspondent direkta sa Los Angeles, California, iya ginpahayag nga sa subong, normal sa gihapon ang sitwasyon bangud dako ang salig sang mga tawo sa FBI kag iban pa nga law enforcement agencies bangud nakahibalo sila sang ila nga trabaho kag katungdanan nga protektahan kag mapadayon ang katawhay.
Apang suno kay Tacapan, apisar nga normal ang sitwasyon, padayon nga alerto kag wala nagapakampante ang mga tawo sa Los Angeles, California sa kun ano ang posible matabo ilabi na nga apat nalang ka-adlaw bag-o ang inagurasyon.
Dugang pa niya, pila man ka mga court buildings kag federal agencies ang ginpasirado bilang kabahin sang pagpanghanda.
