Padayon nga nagaprotesta ang pila ka mga supporters ni outgoing US President Donald Trump sa 50 ka estado sang Amerika kag ang District of Columbia samtang nagahilapit ang inagurasyon ni President-elect Joe Biden.
Suno kay Bombo International Correspondent Raul Sabido, direkta sa Las Vegas, Nevada, USA, iya ginpahayag nga matalunsay sa gihapon ang sitwasyon sa ila lugar apang may yara sa gihapon sang nagaprotesta.
Suno kay Sabido lunsay inverted flags ang bibit sang mga ngaprotesta sa dalanon kag wala man sang armas.
Kinagamo suno kay Sabido ang ginapalab-ot nga mensahe sang mga inverted flag.
Apisar sini, matawhay lamang nga nagaprotesta sa dalanon ang mga supporters ni Trump nga indi sa gihapon makabaton sang iya kapaslawan batok kay Biden.
“Sigi gihapon ang protesta sang mga tawo nga nagadala sang inverted flags. Kun ang flag sang isa ka country gina-invert, it’s a war against socialism, war against communism, it’s a war against leftist radical. Amo na ang stand sang america kag sang iban nga republicans…but it’s a peaceful protest,” pahayag ni Sabido.
Ginpahayag ni Sabido nga daw kaangay nga warzone ang pagkabig sang pila ka pumuluyo sa Washington DC bangud sa mga fence nga ginpahamtang sa palibot sang lugar.
Dugang pa sang natungdan, kapin 25,000 nga Armed National Guards ang magabantay sa inagurasyon ni Biden.
Ginmanduan man sang otoridad ang mga tawo nga indi maggwa sa adlaw sang inagurasyon kag magmonitor na lamang sa balita.
