Gin-depensahan ni Presidente Rodrigo Duterye si vaccine czar Calito Galvez Jr. sa non-disclosure sang presyo sang COVID-19 vaccines nga baklon sang gobyerno para sa mass vaccination program.
Sa public address, ginpahayag ni Presidente Duterte nga kinahanglan nga padayunon ni Galvez ang iya “game plan” para sa rollout sang bakuna sa pihak sang pagpangduha-duha sang mga mamalidha sa natabo nga congressional investigations.
Suno sa presidente, indi mahimo nga mabuyagyag ang kontrata sa presyo nga nahisugtan.
Nagpanugyan man ang presidente sa vaccine czar nga indi pagtutukan ang imbestigasyon nga ginahimo sang Kamara ukon sang Senado bangud mas magdugay pa ang mga ginahimo nga tikang sang gobyerno.
Ginpahayag man ni Galvez nga pinaagi sa iya pagpakig-negosasyon sa mga manufacturers, nakakinot ini sang $700 million ukon P33.6 billion sa pagbakal sang bakuna.
Ginasiguro niya nga wala sang anomaliya nga nagakatabo kag matinlo ang iya pag-deal sang COVID-19 vaccines.
Suno sa iya, indi rin mahimo ang kurapsyon sa pagbakal sang bakuna bangud ang World Bank kag Asian Development Bank amo ang nagabayad.
