Nagpalab-ot sang pagpakig-unong si Presidente Rodrigo Duterte sa pamilya sang mga soldado nga napatay sa pagtibusok sang helicopter sa Bukidnon.
Sa public address, ginpahayag ni Presidente Duterte nga napatay ang mga soldado bilang mga baganihan sang pungsod nga nagsakripisyo.
Nahibaluan nga pito ka tawo ang napatay samtang sakay sa military helicopter sa diin natalana kuntani ini nga magdul-ong sang supplies sa 8th Brigade patrol sang Philippine Army.
Apang naka-eksperyensya sang engine trouble ang nasambit nga helicopter samtang yara ini sa Impasugong sa Malaybalay City.
Ang helicopter ang may sakay nga duha ka mga piloto, 2 ka mga crew members sang Philippine Army kag duha ka mga myembro sang Citizen Armed Force Geographical Unit (CAFGU) .
