“Let’s move forward,” ini ang nangin sentimento sang mga pumuluyo sa Washington DC sa nagahilapit na nga inagurasyon ni US President-elect Joe Biden.
Sa interview sang Bombo Radyo kay Anthony James Perez, Bombo International Correspondent direkta sa Washington DC, iya ginpahayag nga kapin 25,000 nga Armed National Guards lakip na ang mga kapulisan ang nagabantay na sa inagurasyon ni Biden.
Suno kay Perez, may mga lugar nga normal lamang nga gina-agyan apang sa subong bantay sarado na sang mga otoridad sa diin may checkpoint na sa kada dalanon.
Ginpahayag ni Perez nga madamo sang mga tawo ang luyag na nga matapos sang matawhay ang transition ni outgoing President Donald Trump kag ni Biden sa inagurasyon.
“Some just want to move forward, pero merong mga nagagalit pa rin, hindi parin matanggap ang bagong administrasyon,” pahayag ni Perez.
Apang bangud sa supporters ni Trump nga hugot nga nagapati nga indi lehitimo ang pagdaog ni Biden, madamo sang nagaluntad nga mga protesta kag kinagamo.
Apisar ginalauman na suno sa iya ang mga kinagamo sa inagurasyon, nagalaom sa gihapon ang mga tawo nga mangin matawhay ang tanan.
Matandaan nga una na nga nagpaandam ang Federal Bureau of Investigation (FBI) may kaangtanan sa posible patigayunon nga armed protest sang mga die-hard supporters ni Trump antes ang inagurasyon ni Biden.
