Gintapos ni former US President Donald Trump ang iya farewell speech sa pagpahayag nga “Have a great life, we’ll see you soon” sa Andrews Air Base antes siya naglupad padulong sa Florida.
Nagpasalig si Trump nga magabalik siya sa diin wala niya gintumod kun ano bala ang iya buot silingon apang ginaluman nga sa masunod nga eleksyon, liwat naman ini nga magapadalagan bilang Presidente sang Estados Unidos.
Naglaum man ini sa bag-o nga administrasyon sang “great success” para sa palaabuton apang wala niya gin-mensyonar ang pangalan nanday President-elect Joe Biden kag Vice President-elect Kamala Harris.
Lakip man sa ginpahayag ni Trump sa iya nga farewell speech amo ang pag-address sa coronavirus pandemic sa diin tuman nga na-igo ang Estados Unidos.
Ginakabig niya nga “malala” ang COVID-19 kag liwat ini nga gintawag bilang “China virus” apang nagapakig-unong ini sa mga pamilya nga nadulaan sang palangga sa kabuhi.
Nahibaluan nga masobra 400,000 ka tawo na ang napatay sa Estados Unidos bangud sa COVID-19
Samtang naga-take off ang Air Force One Plane sa diin sakay si Trump, matunog man nga nabatian ang ambahanon ni Frank Sinatra nga “My Way.”
