Indi mabatyagan sang pila ka mga Filipino nga yara subong sa Estados Unidos ang sinseridad sa ginhatag nga speech ni outgoing President Donald Trump kadungan sang iya paghalin sa White House sa ulihe nga kahigayunan.
Suno kay Bombo International Correspondent Donnie Corado, isa sa mga correspondents sang Bombo Radyo Iloilo sa 50 ka mga estado kag isa ka distrito sang Columbia sa Estados Unidos, lain ang ginapahayag ni Trump sa ginapakita sini nga akto sa mga tawo rason nga indi mapatihan kun kaisa ang iya ginahambal sa publiko.
Apang pahayag ni Corado, ginatahod niya ang pagpati kag paglantaw sang mga supporters ni Trump ilabi na ang mga Filipino nga naga-idolo sa outgoing-president.
Kun i-base lang sa kultura suno kay Corado, mas nakaangay ini sa Republican ipaanggid sa Democrats bangud kilala ang mga Filipino nga konserbatibo.
Nagalaum ini nga sa pagpungko ni Biden bilang bag-o nga Presidente, mahatagan sang igtalupangod ang COVID-19 pandemic sa diin nagpatay sa masobra 400,000 nga mga tawo sa Estados Unidos.
