Yara na sa Mar-a-Lago Club resort sa Palm Beach sa Florida si anay US President Donald Trump matapos ini nagbiya sa White House.
Ini ang ginkumpirma ni Jennifer Brinklow, direkta sa Florida, isa sa mga correspondents sang Bombo Radyo Iloilo sa 50 ka mga estado kag isa ka distrito sang Columbia sa Estados Unidos.
Suno kay Brinklow, kaupod nga ni Trump nga nag-abot sa Florida amo ang iya tiayon nga si Melania.
Pahayag niya, mahimo nga sa Florida na permanente nga maga-istar si Trump kaupod ang iya tiayon kag kabataan bangud nagbakal na ini sang mga propedad.
Exciting para kay Brinklow nga ang anay presidente ang yara na sa ila nga estado kag apisar nga ang Florida ang ginadominar sang mga Republicans, nangin malinong ang dalan sa pihak sang mga nagapatigayon sang hublag protesta sa diin wala sang kinagamo nga natabo.
