Nagpabutyag sang kakapoy kag kadulaan sang paglaum ang mga doctor sa Portuguese hospitals bangud malala na nga na-igo sang COVID-19 pandemic ang Portugal.
Nagahanda na ang gobyerno nga siraduhon ang tanan nga mga eskwelahan agud nga mahagan-hagan ang pagdamo sang kaso.
Suno kay Guida da Ponte, deputy head sang doctor’ union, wala na sang bastante nga kagamitan ang mga ospital sa diin ginakulang naman ang mga intensive-care beds.
Sa first wave, natigayon pa nga mapakigbatu-an sang pinaka-imol nga pungsod sa Western Europe ang pandemya sang tinalikdan nga tuig apang sang sini nga mga semana gulpi lang nagdasig ang paglapta sang virus.
Madamo sang mga ambulansya ang yara saguwa sang ospital bangud nagahulat nga magbakante ang hospital beds sa diin may isa ka tigulang nga napatay sa sulod sang salakyan matapos nagahulat sang tatlo ka oras nga makasulod kuntani sa ospital sa Portalegre.
