ILOILO CITY – Liwat na naman nga gin-isol sang Iloilo City Department of the Interior and Local Government (DILG) ang opisyal nga validation sang Road Clearing Operation 2.0.
Sa interview sang Bombo Radyo kay Iloilo City DILG Director Oscar Lim, iya ginpahayag nga liwat nga nakabaton ang ila talatapan sang mando sa Cental Office tuhoy sa pagbag-o sang schedule sang validation.
Suno kay Lim, Enero 18 tubtob 22 kuntani patigayunon ang validation sang nasambit nga clearing operations nationwide apang gin-isol sa liwat sa Enero 25 tubtob Peberero 5.
Ang masunod nga schedule amo sa Pebrero 16 tubtob Marso 2.
Ginpahayag ni Lim nga lakip sa mga rason sa pagpaisol sang validation amo ang kakulang sang mga report kag indi pagtuman sa road clearing sang pila ka mga barangay sa syudad sang Iloilo.
Sa maabot nga Pebrero 10, ginalauman nga magahatag sang report ang 180 nga mga barangay sa syudad sang Iloilo sa ila pagtuman sa road clearing.
