ILOILO – Gindumilian nga makasulod ang mga indi residente sang Bingawan, Iloilo nga luyag kuntani nga magtambong sa annual patronal fiesta ni San Paulo de Conversion.
Sa interview sang Bombo Radyo kay Mayor Mark Palabrica, iya ginpahayag nga hugot nga ginabantayan sang mga pulis ang major entry points sang nasambit nga banwa.
Suno kay Palabrica, katuyuan sini nga malikawan ang pagdamo sang COVID-19 cases sa ila nga banwa nga tuga sang pagdugok sang madamo nga tawo.
Ginpahayag sang alkalde nga ginapasugtan man niya ang paghanda apang nagakadapat nga limitado lang ini sa mga magpamilya.
Samtang mahimo man nga makasulod sa ila banwa ang mga residente sang ila lugar nga nagatrabaho sa gwa sang banwa, Government employee, kag Authorized Persons Outside Residence (APOR).
