Wala makakas nga kuryente sang rice cooker ang nangin rason sang sunog nga nagluntad sa Barangay Agmanaphao, Mina, Iloilo.
Ang tag-iya sang balay amo si Irene Lope.
Sa interview sang Bombo Radyo kay Senior Officer 3 Jinny Papa, arson investigator, iya ginpahayag nga mahimo nalimtan sang bata ni Lope nga kuhaon sa saksakan ang kuryente sang rice cooker kag ini ang na-overheat.
Nagguwa ang bata kag nagpadulong sa iya amay kag wala gid sang tawo nga nabilin sa ila balay sa diin sa ila nga pagbalik, ginalamon na sang kalayo ang ila balay nga human sa light materials.
Ginabanta P100,000 ang kabug-usan nga halit nga gintuga sang sunog bangud totally burned ang balay.
Sa subong, ang pamilya sang nasunugan ang yara na sa ila himata temporaryo nga nagatinir kag may yara naman sang bulig nga ginhatag ang local government unit.
