Ipaidalum sa istrikto nga quarantine sa Manila ang mga pinoy nga magapauli nagikan sa mga pungsod nga nakared-flag ukon nakatravel ban sa Pilipinas.
Sa interview sang Bombo Radyo kay Dr. Mary Jane Juanico, COVID-19 spokesperson kag pinuno sang Infectious Disease Section sang DOH Region VI, iya ginpahayag nga gilayon nga ipaidalum sa Real-Time Reverse Transcription Polymerase Chain Reaction (RT-PCR) test ang mga pumuluyo nga halin sa mga pungsod nga nakatravel ban sa Pilipinas.
Suno kay Juanico, matapos ang tatlo ka adlaw, magapatigayon liwat sang swab test.
Kun magnegatibo ang resulta sang duha ka swab test, diri na kag mapahanugutan nga makapuli ang mga indibidwal sa ila banwa.
Nakadepende naman suno kay Juanico sa pagsulundan sang kada Local Government Unit ang pag-akomodar sang ila pumuluyo nga magapauli.
Matandaan nga una na nga ginpahayag ni Presidential Spokesman Atty. Harry Roque nga indi dali-dali nga makasulod sa pungsod ang mga naghalin sa abroad bangud kinahanglan nga mag-agi sila sa hugot nga health screening kaupod na diri ang pagpaidalom sa swab test kag quarantine.
