Luyag ni Senador Manny Pacquiao nga islan ang pangalan sang Metro Manila Film Festival (MMFF) nga tuigan nga kapistahan sang mga ”pelikulang Pilipino” sa Metro Manila.
Sa Senate Bill No. 2017 nga gindihon sang senador, luyag ni Pacquiao nga tawgon ini nga “Philippine Film Festival” ukon PFF.
Nahibaluan nga ang MMFF ang ginapatigayon kada Disyembre 25 sa Metro Manila nga nagalawig tubtob isa ka semana.
Sang Disyembre, sa streaming app ginpaguwa ang mga pelikula nga kabahin sa 2020 MMFF bangud sirado ang mga sinehan tuga sang COVID-19 pandemic.
