Kita nga mga Filipino, madamo sang ginasunod nga pamahiin kag pagpati nga naghalin sa aton nga mga lolo kag lola.
Kaangay na lang sa una nga pagpagunting sang bata nga ginapahayag dapat ginahimo kun naga edad na ini sang isa ka tuig bangud kun mas timprano pa mahimo nga magsunggod ukon indi na magtubo sang maayo ang buhok ni baby.
Apang suno kay Dr. Cindy Gellner, isa ka pediatrician, indi matuod ang mga pagpati sa mga pagbag-o nga matabo sa buhok sang bata kun ini ang utdan ukon guntingon.
Bangud ang hair texture kag growth rate sang kada tawo ang madetermina sa iya genetics kag maangkon lang ang pagbag-o kun siya ang mapaidalom sa chemotherapy.
Isa sa kinahanglan nga panumdumon sang ginikanan antes guntingan ang buhok ni baby — kun bala masarangan na sini nga magpungko ukon mabalanse sang maayo ang iya ulo.
