Dako sa gihapon ang pagsalig ni Presidente Rodrigo Duterte kay Baguio City Mayor Benjamin Magalong sa pihak sang iya mga pagpakamalaot nga nabaton bangud sa iya nangin presensya sa kaadlawan sang eventologist nga si Tim Yap sa diin wala nasunod ang COVID-19 protocols.
Gin-ako ini mismo ni Magalong nga wala nasunod ang health protocols kadungan sang party nga ginhiwat sa The Manor sa Camp John Hay sa Baguio sang Enero 17 sa diin pila ka mga bisita ang wala nagasuksok sang face mask kag wala man naga-obserba sang physical distancing.
Suno kay Presidential Spokesperson Atty. Harry Roque, nagpangayo sang abiso si Magalong bangud nalapas nila ang protocol kag mangin ang iya tiayon ang mahimo man nga hatagan sang penalidad.
Una naman nga ginpahayag ni Magalong nga nagtambong sila sang iya misis sa event agud pasalamatan si Yap kag iya grupo sa paghatag sang bulig sa mga artists sa Baguio kag pag promote man sang turismo sang Bagiuo.
Pahayag ni Roque, kun naga-obserba man lang sang social distancing kag nakasuksok sang mask, wala siya sang may nakita nga rason nga may yara ini sang salabton.
Liwat naman nga nagpanawagan ang Department of Health sa mga local government units nga hugot nga ipatuman ang community quarantine guidelines.
