Ginpaandaman ni Davao City Mayor Sara Duterte Carpio ang publiko batuk sa mga tawo nga nagapangayo sang kwarta para sa ginapahayag paggamit sa iya nga kampanya sa pagka-presidente.
Gin-athag sang presidential daughter nga wala niya ginapahanugutan ang fundraising nga ginahimo.
Maathag pahayag niya nga pagpanunto lamang ang ginahimo sang mga yara sa likod sang nasambit nga scam.
Base sa nakalab-ot nga report sa iya opisina, may mga tawo ukon grupo nga nagapangayo sang kwarta sa mga negosyante agud gamiton sa iya pagpadalagan sa eleksyon.
Ginpanugyanan sang alkalde ang publiko nga gilayon isugid sa mga pulis sa tion nga may maggamit sang iya pangalan kag mangayo sang kwarta agud nga gilayon ini nga mapreso.
