Ginpanubo pa sang pandemya ang ekonomiya sang Pilipinas sang 2020 kag naghatag ini sang negative growth sa bilog nga tuig.
Yara sa -9.5 percent ang gross domestic product (GDP) para sa 2020 — ang pinakamalala humalin sang 1947 ukon pagkatapos sang World War 2
Suno kay acting Socioeconomic Planning Secretary Karl Chua, ang quarantine restrictions ang nagpanubo sang household spending sa P801 billion sang 2020 ukon ginabanta P2.2 billion kada adlaw.
Ang total income loss naman sang consumption ang yara sa P1.04 trillion sang 2020 ukon ginabanta P2.8 billion kada adlaw.
Sa pihak sini nagalaum ang gobyerno nga makabangon na ang ekonomiya subong nga 2021 kadungan sang paghalog sang quarantine restriction kag ang ginalauman nga pag-umpisa sang paghatag sang bakuna batuk sa COVID19.
