Nagpangayo sang pasaylo ang host nga si Willie Revillame matapos nga masobra sa apat ka libo ka tawo ang nagdugok sa atubang sang Wil Tower Mall sa Eugenio Lopez Drive, Quezon City sa paglaom nga makita siya personal kadungan sang iya ika-60th birthday.
Magluwas sa luyag nga makit-an personal si Willie, nagpati ang mga tawo nga manghatag ini sang kwarta.
Gin-athag ni Willie nga sang Enero 26 pa lang, ginpanugyanan na niya ang publiko nga indi magkadto sa Wil Tower apang baliskad ini sa luyag niya nga matabo.
Suno sa iya, gindumilian siya sang mga pulis nga magpanaog bangud mahimo nga may matabo nga indi maayo.
Dugang pa ni Willie, may yara sang nagpalapta sang fake news nga manghatag ini sang kwarta nga nangin rason sang pagdagsa sang tawo sa Quezon City.
