Madugangan ang tingog sang Ilonggo sa Kamara sa tion nga matunga sa duha ka mga congressional districts ang syudad sang Iloilo.
Sa interview sang Bombo Radyo kay Calumpang Punong Barangay Roberto Niño, spokesperson sang Liga ng mga Barangay, iya ginpahayag nga positibo ang nangin reaksyon sang mga barangay officials sa syudad tuhoy sa ginaduso nga House Bill 3074 ni Iloilo City Lone District Congresswoman Jamjam Baronda.
Sa idalom sang nasambit nga hagna, maga-updanay ang Jaro, LaPaz kag Mandurriao bilang isa ka congressional district samtang mangin separado naman nga legislative district ang Iloilo City Proper, Molo, Arevalo kag Lapuz.
Suno kay Niño, pinaagi sa pagtunga sang syudad, mas madamo nga benepisyo ukon programa ang mapatuman.
In-line may ini pahayag niya sa tagline sang syudad nga mag-level up.
Mas mahatagan man sang nagakaigo nga representasyon kag economic development ang syudad kun matigayon ang ginaduso ni Congresswoman Baronda.
