ILOILO CITY – Padayon ang ‘clean up drive’ agud matapna ang pagduging sang mga lamok nga nagadala sang dengue virus sa Arevalo, Iloilo City.
Sa interview sang Bombo Radyo kay Punong Barangay Alan Macazar sang Barangay Bonifacio, nga amo man ang presidente sang Association of Barangay Captains sa Arevalo, iya ginpahayag nga nagdeploy man sang mga tawo ang Iloilo City Government nagikan sa City Health Office sa 13 ka mga barangay sa Arevalo agud maglunsyar sang clean up drive kada sabado.
Suno kay Macazar, ginasprayhan sang kontra lamok ang suludlon nga nga mga barangay lakip na ang kada dingding.
Gin-athag man ni Macazar nga sa subong, wala na sang active cases sang dengue sa Arevalo, Iloilo City.
Nagpanawagan man ang natungdan sa iya pumuluyo, nga maghalong kag mangin matinlo sa palibot agud malikawan ang dengue hemorrhagic fever.
