Nagakabalaka ang Pork Producers Federation of the Philippines Incorporated nga magalala pa ang problema sa supply kag presyo sang karne tubtob sa masunod nga tuig.
Ini ang matabo kun ang pagpatuman lang sang price ceiling ang sabat sang gobyerno kag wala naman sang solusyon sa African Swine Fever (ASF).
Suno kay Nicanor Briones, bise presidente sang grupo, sila ang naga-agunto kag ginasilotan nga dapat sila pa ang buligan sang gobyerno.
Nagpanawagan man ang grupo nga islan na si William Dar bilang tiglikom sang Department of Agriculture.
Nahibaluan nga subong na nga adlaw ginpatuman ang price ceiling sa baboy kag manok sa Metro Manila bilang mandu ni Presidente Duterte.
