ILOILO CITY – Arestado ang isa ka durugista sa ginpatigayon nga drug buybust operation sa Boulevard Molo, Iloilo City.
Ang arestado amo si Ruben Moreno, 26, isa ka construction worker kag residente sang East Timawa, Molo, Iloilo City.
Sa interview sang Bombo Radyo sa Team Leader sang Station Drug Enforcement Unit (SDEU) sang Molo Police Station, iya ginpahayag nga nakuha sa nasambit nga operasyon ang P6,200 nga buybust money kag apat ka sachet sang suspected shabu.
Suno sa natungdan, ginakabig nga street level individual si Moreno.
Sa subong, preso na sa Molo Police Station si Moreno.
Magapangatubang man siya sa kaso nga paglapas sa Republic Act (RA) 9165 ukon Comprehensive Dangerous Drugs Act of 2002.
