Ginadiskusyonan na sang World Health Organization kun bala mahimo ilakip ang mga tigulang sa mahatagan sang AstraZeneca-Oxford COVID-19 vaccine.
Suno sa WHO, ang rekomenadasyon kun sin-o bala ang mahimo makagamit kag indi makagamit sang bakuna ang isapubliko subong nga semana.
Nahibaluan nga ang mga regulatory authorities sa pila ka mga European nations ang indi pabor sa paggamit sang bakuna para sa mga naga edad 65 anyos pataas bangud sila ang makabig nga vulnerable age group.
Samtang isuspende naman sang South Africa ang COVID-19 vaccinations gamit ang AstraZeneca vaccine matapos natukiban sa pagtuon nga napaslawan ang bulong nga makalikaw sa mild ukon moderate cases sang virus variant nga nagtuhaw sa ila nga pungsod.
