Ginpakamalaot sang aktres nga si Liza Soberano ang isa ka poster sang pelikula nga tuhoy sa mental health.
Suno kay Liza, wala dapat ginahimo nga lango-lango ang mental health kaagay sang poster sa diin makita nga nagapadiwal ang mga aktor kag aktres nga sanday Baron Geisler, Gina Pareño, Candy Pangilinan kag Donalyn Bartolome.
Nagalaum si Liza nga makahatag gid man sang awareness kag mapaathag sa publiko ang mga pag-antos nga nabatyagan sang tawo nga may yara sang mental health problem pinaagi sa nasambit nga pelikula.
Nangin tunga naman ang reaksyon sang mga netizens sa nangin pahayag ni Liza sa diin may yara sang nag-bash sa iya kag may yara man sang nagsuporta kaangay na lang sang MentalHealthPh nga isa ka mental health advocacy group nga ginpaboran ang opinyon sang aktres.
