ILOILO CITY – Nagpasalamat ang Land Transporation Office (LTO) sa pagpatawag sa ila sang Iloilo City Council natuhoy sa pagpatuman sang private motor vehicle inspection system (PMVIS).
Sa interview sang Bombo Radyo kay Atty. Allan Sacramento, Legal counsel kag chief sang operations division sang Land Transportation Office (LTO) Region VI, iya ginpahayag nga kun ano man ang gin-istoryahan sa ginpatigayon nga public consultation, ila ini ipalab-ot sa National Office.
Suno kay Sacramento, wala sila sang gahom nga pauntaton ang pagpatuman sang PMVIS.
Kun ano ang mando suno sa natungdan sang National Office, ila lang ini ginpatuman sa mga regional offices.
