Nadugangan sang 10 ka kaso sang COVID-19 ang banwa sang Miagao, Iloilo as of February 10, 2021.
Sa interview ang Bombo Radyo kay Mayor Macario Napulan, iya ginpahayag nga 33 na subong ang active cases sa nasambit nga banwa sa diin 20 diri ang lunsay government employees, 11 ang mga naka-close contact kag nagpositibo sa virus samtang duha naman ang senior citizens.
Suno kay Napulan, may mga balay nga ginpaidalom sa critical zone ukon enhanced community quarantine sa diin wala ginapahanugutan ang pagguwa sang myembro sang pamilya.
May yara man pahayag niya sang mga balay nga ginbutang sa containment zone ukon Modified enhanced community quarantine sa diin isa sa myembro sang pamilya ang mahimo makaguwa.
Sa mga Buffer zone naman ukon naka general community quarantine status nga puluy-an, mahimo makaguwa ang mga myembro sang pamilya kun essential ang tuyo nga baklon ukon kadtoan.
Dugang pa sang natungdan, bukas naman ang rural health unit sang banwa.
