Nagpanguna ang Antique sa mga probinsya sa Western Visayas nga may pinakamanubo nga kaso sang COVID-19.
Sa exclusive interview sang Bombo Radyo kay Antique Governor Rhodora Cadiao, iya ginpahayag nga nakabaton man sang pagpanginbulahan ang Antique sa pila ka mga national agencies bangud napabilin sang probinsya ang manubo nga kaso sang COVID-19.
Gintuad ni Cadiao nga ‘proud’ siya sa mga Antiqueño bangud mapisan sa pagsunod sa tanan nga health protocol.
Suno kay Cadiao, manggaranon sa isda kag utan ang Antique sa diin isa ini sa dako nga bulig sa ikaayong lawas sang mga Antiqueño.
Nangin masangkad man suno sa iya ang ekonomiya sang Antique sa diin padayon nga nagatindog ang turismo sa tunga sang COVID-19 pandemic.
Ginpahayag ni Cadiao nga natalana man nga buksan ang Roll-on/roll-off services sa bug-os nga probinsya matapos ang 50 ka tuig.
