Ibalik sang gobyerno sang Pilipinas ang 500,000 doses sang COVID-19 vaccines nga idonate sang Chinese government sa tion nga indi ini pag-aprubahan sang Food and Drug Administration (FDA) para sa emergency use.
Ang ginatumod ni Presidential Spokesperson Atty. Harry Roque amo ang ginpasalig nga COVID-19 vaccines ni Chinese Foreign Minister Wang Yi kadungan sang pagsinapol nila ni Department of Foreign Affairs Sec. Teodoro Locsin Jr. kag Presidente Rodrigo Duterte sang tinalikdan nga bulan.
Sa subong, duha na ka mga bakuna ang na-isyuhan sang emergency use authorization sang Food and Drug Administration kag ini amo ang Pfizer-BioNTech kag AstraZeneca.
Nahibaluan nga natukiban sang FDA nga ang Pfizer ang may yara sang 92% tubtob 95% nga efficacy rate.
Samtang ang AstraZeneca naman ang may 70% nga efficacy rate. Ang Pfizer-BioNTech ang gindevelop sang American kag German firms, samtang ang AstraZeneca ang gindevelop sang British firm lakip na ang Oxford University.
